Алматыда өтіп жатқан қысқы Универсиада ойындарында қазақстандық шаңғышы Анна Шевченко ел қоржынына бесінші жүлдесін салды.
Ол 15 шақырымдық масс-старт сайысында қола жүлдеге ие болды. Бұл сында алтын медаль ресейлік Лилия Васильеваға бұйырса, екінші орынға оның отандасы Анна Нечаевская тұрақтады.
Сонымен қатар, Қазақстан атынан шыққан Ольга Мадрика (+48.1) бесінші, Ангелика Шурыга (+1:48.2) сегізінші, Марина Матросова (+3:05.4) тоғызыншы болып келді.
Айта кетейік, Анна Шевченко Универсиада ойындарында екі қола, бір күміс және бір алтын жүлде жеңіп алған.