Солтүстік Қазақстан облысында 2016 жылдың 4-тоқсаны бойынша бір қызметкердің орташа айлық жалақысы 104 385 теңгені құраған. Бұл туралы «ҚазАқпарат» хабарлады.
Салалық құрылымдағы ең жоғары жалақы қаржы және сақтандыру қызметінде белгіленген. Олардың еңбекақысы 203 307 теңгені құрап, орташа облыстық деңгейден 1,9 есе артқан. Одан кейін көлік саласының қызметкерлері 175 565 теңгемен алға шығып тұр. Ақпарат және байланыс саласының мамандары 168 082 теңгемен үшінші орынды түйіндеген.
Ең төменгі жалақы өнер, көңіл көтеру және демалыс салаларының қызметкерлеріне тиесілі. Олар айына 75 448 теңге еңбекақы алған, бұл облыс бойынша орташа көрсеткіштен 28%-ға төмен. Әкімшілік және қосымша қызмет көрсету саласының мамандарында облыс бойынша орташа көрсеткіштен 23%-ға аз – 80 707 теңге.
2016 жылдың 4-тоқсанындағы атаулы жалақы 118,6%-ды, ал нақты көрсеткіш 109,3%-ды құраған.