Өңірлерге де өрелі жұмыс керек

Қазақстан Президенті Нұрсұлтан Назарбаевтың «Қазақстанның Үшінші жаңғыруы: жаһандық бәсекеге қабілеттілік» атты Қазақстан халқына Жолдауы – мемлекеттің шын мәніндегі тағы бір белесін айқындаған оқиға болып отыр. Жолдауды талқылау мақсатында Жамбыл облыстық әкімдігінде актив жиыны өтті. Жиында облыс әкімі Кәрім Көкірекбаев баяндама жасап, Жолдаудағы бірқатар маңызды міндеттерді атап өтті. – Биылғы Жолдауда да өт­кен кезеңнің қорытындысы шыға­ры­лып, алдағы мақсат-міндеттер айқын­далды. Елбасы айтқандай, ел Тәуел­сіздігінің 25 жылында екі жаңғыру кезеңі­нен өттік. Ендігі күн тәртібінде Қазақстанның Үшінші жаң­­ғыруы жөніндегі міндет тұр. Мақ­саты – елдің жаһан­дық бәсеке­ге қабі­­леттілігін қам­тамасыз ету, эко­но­микалық өсім­нің жаңа моделін құру. Бұл мақсаттарға жету үшін «Қазақ­станның ұлттық техно­логия­лық бастамасы» деп атала­тын Дамудың 2025 жылға дейінгі стра­тегиялық ауқымды жоспары әзір­ленетін болады. Халықтың тұрмы­сына «Цифрлық Қазақ­стан», IT-стар­тап­тардың халық­аралық техно­паркі сияқты инновациялар қол­даныс­қа енгі­зілмек, – деді облыс басшысы. Сондай-ақ, Кәрім Көкірекбаев Жолдауда ауыл шаруашылы­­ғы сала­сына ерекше мән беріл­ге­нін де атап өтті. Бұл ретте, аграр­лық экс­порт­тық өнім көлемін, әсіре­се, ұлт­тық бренд болатын эколо­гия­лық таза тағамдар өні­мін арттыру мін­деті жүктеліп отыр­ғанын да айтты. Жиында Елбасы Жолдауында айтылған маңызды міндеттер мен мақсаттарды, нақты тапсыр­маларды бағдарлаған облыс басшысы Кәрім Көкірекбаев об­лыстық ауыл шаруа­шылығы бас­қармасы мен аудан әкім­деріне, тиісті құзырлы органдарға суб­си­дияларды бөлу қағидаларын қайта қарастыру барысында ұсы­ныстар беруді және биылғы жылы міндетті сақтандыру көлемін 70-75 пайызға жеткізуді, бұл ретте, эконо­мика және бюджеттік жоспарлау мен ауыл шаруашылығы басқарма­лары осы жұмыстарды ары қарай жал­ғастыруға қажетті қаражат көлем­дерін нақтылап, ұсыныс беруді, еліміздің Ауыл шаруа­шы­лығы министрлігінен құрылатын коо­пе­ратив және оған тартыла­тын үй шаруашылықтары мен фер­мер­лер жоспарын анықтап, тиісті шараларды қолға алуды және өзге де салалар бойынша жұмыс істеуді тапсырды. Өз кезегінде облыстық қоғам­дық кеңес­тің төрағасы Жандар Кәрібайұлы жа­рыссөзге шығып, Жолдаудың қо­ғам­да жақсы сипат, мәнді мазмұнға ие болып отыр­ғанын атап өтті. Сон­дай-ақ, Бай­зақ ауданындағы «Жадыра и К» ауыл шаруашылығы өнді­ріс­­­тік коо­перативінің төрайымы Гүл­нар Дәулетбаева, облыстық мәс­ли­­­хат­­­тың депутаты Гулам Умаров және М.Х.Дулати атын­дағы Та­раз мем­лекеттік универ­си­тетінің аға оқыту­шысы, жас ғалым Айдар Әбіл­даев Елбасы Жол­дауын­да айтылған ауыл шаруа­шы­лығы, денсаулық сақ­­тау, білім беру сала­лары бо­йын­ша өз ойларын ортаға салды. Хамит ЕСАМАН, «Егемен Қазақстан» Жамбыл облысы