Мемлекет басшысы барша қазақстандықтардың отандық электромобильмен жүргенін армандайды. Бүгін Жалпыұлттық телекөпір барысында Елбасы осылай мәлімдеді, деп хабарлады ҚазАқпарат.
«Еліміз машина жасаудан алғаш рет дами бастады. Мен таяу аралықта барша Қазақстан электромобильмен жүргенін армандаймын. Олардың бағасы қолжетімді болады», – деді Назарбаев.
Қазақстан Президенті осы ретте мұндай көліктерді ауасы ластанған Алматы мен Өскемен секілді қалалардың тұрғындары қолдануы керектігін айтты.
«Егер толықтай электромобильге ауыстырар болсақ, онда ауамыз тазарып әрі үнем жасар едік. Біз осыған жақындап келеміз. Жалпы алғанда, индустриаландыру жылдары ішінде шамамен 5 трлн теңгенің мыңнан астам жобасы жүзеге асырылды. Сондай-ақ, 100 мың тұрақты жұмыс орны құрылды», – деді Елбасы.