Маңғыстауда «Kazakh Invest» ҰК филиалы құрылады

Кездесу барысында Маңғыстау облысы мен аталған компания арасында өңірде инвестициялық ахуалды жақсартуға қатысты бірлескен жұмыстардың бағыты талқыланды.  А. Конопляный «KAZAKH INVEST» компаниясының еліміздің инвестициялық саясатын жүргізудегі және халықаралық әлеуетті инвесторлармен өзара жұмыс жасауы туралы айтып берді.  «Kazakh invest» – шетелдік тәжірибеге негізделе құрылған ұлттық оператор. Негізгі міндеті – ірі шетелдік инвесторлармен келіссөздер жүргізу», – деді ол.  «Маңғыстау облысының алдында болашағы бар салалар – мұнай өндіру және мұнай сервистік қызмет көрсету, туризм, құрылыс, агроөнеркәсіптік кешен, транспорт және логистика салалары бойынша инвестициялар тарту міндеті тұр. Біз бірге жұмыс жасауымыз керек. Халықаралық инвесторларды өңірде басқа механизмдерді дамыту үшін қызықтыруымыз қажет. Біз барлық қажетті мүмкіндіктерді жасауға дайынбыз. Өңірде индустриялық аймақ бар», – деді аймақ басшысы.  Компания өкілдері де облыста инвесторлар үшін қолайлы жағдай жасалғанын айтты. Аймақта инвестициялық ахуалды жақсарту, яғни инвестор тарту мақсатындағы жұмысты күшейту үшін «Kazakh Invest» компаниясы маңғыстауда өз филиалын ашатын болды.  Гүлайым Шынтемірқызы,  «Егемен Қазақстан».  Фото: Серік Майемеров.  АҚТАУ.