«Достық» орденімен марапатталды

Қазақстан Республикасының Президенті Н.Ә.Назарбаевтың Жарлығымен Орыс православие шіркеуінің көшбасшысы «мемлекеттік және қоғамдық қызметке, елдің әлеуметтік-экономикалық және мәдени дамуына қосқан үлесі, халықтар арасындағы достық пен ынтымақтастықты нығайтуға сіңірген еңбегі үшін» жоғары наградаға ие болды. И.Тасмағамбетов Қазақстан Республикасы мен ел Президенті Нұрсұлтан Назарбаевтың атынан награда тапсыру үлкен мәртебе екенін айтты. «Бұл – сіздің бейбітшілік пен келісімді, екі елдің халықтары арасындағы достық қарым-қатынастарды нығайтудағы тынымсыз әрі өлшеусіз еңбегіңізге деген айрықша құрмет, – деп атап өтті қазақстандық дипломат. – Қазақстанда исламмен қатар, православие діні де қоғамдық өмірде ерекше орны бар жетекші конфессиялардың бірі. Біздің елімізде Орыс православие шіркеуі өте маңызды қызмет атқарады». Өз кезегінде Патриарх Кирилл көрсетілген жоғары марапат үшін Қазақстан Президенті Нұрсұлтан Назарбаевқа алғысын жеткізіп, барша Қазақстан халқына бейбіт өмір мен өсіп-өркендеу тіледі. «Достық» ордені – Қазақстан Республикасының жоғары наградаларының бірі. Бұл орден­мен қоғамдағы ұлтаралық және аза­маттық татулықты сақтау­да жемісті жұмыс атқарған, ха­лық­тар арасындағы бейбітшілікті, достық пен ынтымақтастықты нығайтуға еңбек сіңірген азаматтар марапатталады. Орден иегерлерінің арасында БҰҰ Бас хатшысы Пан Ги Мун, ҰҚШҰ Бас хатшысы Николай Бордюжа, Мәскеу және Бүкіл Ресей Патриархы Алексий II, АҚШ Президенті (1989-1993) Джордж Буш (үлкені), АҚШ-тың 67-ші Мемлекеттік хат­шысы Хиллари Клинтон, Ұлы­британияның Премьер-министрі (1979-1990) Маргарет Тэт­чер, кардинал-епис­коп, Кар­диналдар алқасының деканы (2001) Анджело Содано, Сауд Арабиясының королі – Аб­дулла ибн Әбдел Әзиз ас-Сауд, Хор­ватия Президенті (2000- 2010) Степан Месич, Румыния Пре­зиденті Ион Илиеску, Татарстан Республикасының тұңғыш Президенті Минтимер Шаймиев, т.б. бар.