«Бұл расымен де өте қызықты кездесу болмақ. Олар бір кездері спарринг өткізген. Бұл жолы шешуші сәт сол спаррингтегідей аяқталуы мүмкін. Көпшіліктің айтуынша, ол кездесуді есепке алмаған жөн. Себебі, ол кезде «Канело» немесе Головкин өз деңгейінде жұдырықтаспаған әрі шын мықтыны анықтау мақсатында өтпеген болуы Бірақ ол жайтты сол жерде болғандар ғана біледі», дейді Галлахер Boxing News басылымына берген сұхбатында.
Осыған дейін Джо Галлахер дәл сол спаррингтің «Канелоға» сенімділік беретінін айтқан еді. Оның айтуынша, көпшілігі мексикалық боксшының талантын дұрыс бағаламайды. Айта кетерлігі, ол өткен жылдың қыркүйегінде британдық Лиам Смитті Альвареске қарсы жекпе-жекке дайындаған еді.
Еске сала кетсек, Альварес пен Головкин арасындағы спарринг 2011 жылы мамырда Калифорниядағы Big Bear жаттығу залында өткен еді. Big Bear жаттығу залы – қазақстандық боксшының өз жекпе-жектеріне дайындық жүргізетін екінші үйіне айналған. Ол кезде мексикалық 21 жаста еді.
Айсәуле СЪЕЗБЕК