«Барыс» хоккей клубының басшылығы мен бапкерлер құрамы Боченскиге карьерасын ары қарай жалғастыруға, клуб сапында тағы біраз жыл ойнауға шақырған. Бірақ, ол бұдан былай отбасына көңіл бөлуді жөн санаған. Хоккейші клуб ұжымына және жанкүйерлерге алғысын білдіріп, Астананы сағынатынын айтты.
«Барыс» сапында өткізген жеті жылымды және Астананы сағынатын боламын. Қазақстанда өткізген карьерам мен өмірімнің ең қызықты сәттерін ешқашан ұмытпаймын» дейді Брэндон Боченски.
Айта кетейік, Брэндон Боченски «Барыс» сапына 2010 жылы АҚШ-тың «Тампа Бэй Лайтнинг» клубынан келіп қосылған болатын. Жеті жыл ішінде ол Құрлықтық хоккей лигасында (ҚХЛ) 399 матч өткізіп, 397 (160+237) ұпай жинаған. Бұл нәтиже оған ҚХЛ тарихындағы шетелдік ең үздік шабуылшы атанған.
Қазақстан және АҚШ азаматтығы бар Брэндон Боченски 1982 жылы АҚШ-тың Миннесота штатының Блейн қаласында туған. Спорттық карьерасын туған қаласында (Блейн) бастаған. 2014 жылы Қазақстан азаматтығын алған Боченски 2016 жылы Ресейде өткен хоккейден әлем чемпионатына Қазақстан Ұлттық құрамасы сапында қатысқан.
Брэндон 2014 жылдан бері Қазақстан Ұлттық құрамасы сапында 15 матч өткізіп, 12 (5+7) ұпай жинаған.