Қазақстан Республикасы Үкіметінің қаулысымен Ахмед Местоев Якубович өз еркімен Қазақстан Республикасының Ресей Федерациясындағы сауда өкілі қызметінен босатылды, деп хабарлайды primeminister.kz.
Местоев Ахмед Якубович 1949 жылы 15 маусымда дүниеге келген.
1969 - 1996 жылдары Қазақ тұтынушылар одағы жүйесінде қатардағы маман қызметінен бастап басқармасы төрағасының орынбасары лауазымы аралығындағы қызметтерді атқарды.
1996 - 2002 жылдары - Қазақстан Республикасының Швейцариялық Конфедерациядағы (Женева) сауда өкілі болды.
2002 - 2010 жылдары - Ресей Федерациясындағы Қазақстан Республикасының Сауда өкілі (Мәскеу).
2010 жылдың қарашасынан - Қазақстан Республикасы Президентінің Іс басқарушысының орынбасары - Қазақстан Республикасы Президентінің Іс басқармасының Алматыдағы өкілдігінің жетекшісі.
2012 жылдың қазан айынан бастап - Ресей Федерациясындағы Қазақстан Республикасының Сауда өкілі (Мәскеу).