Ұлыбританияда Қазақстанға арналған кеш өтті

Аталған іс-шараға Қазақ­стан­ның Ұлыбританиядағы ел­шісі Ерлан Ыдырысов, қала мэрі Джон Паркер, Хэмпшир графтығының жоғары шерифі Мэри Монтагу-Скотт, Британия Парламенті Қа­уым­дар палатасының мүшесі Кэро­лин Ноукс, сондай-ақ граф­тық­­тың мәдени-тари­хи қа­уым­дас­тықтарының өкіл­дері ме­н Ромзи қаласының тұр­ғын­дары қатысты.  Іс-шара барысында Е.Ыды­рысов қатысушыларға Қазақ­стан жайында жан-жақты ақпарат беріп, Президент Нұрсұлтан Назарбаевтың «Қазақстанның Үшінші жаңғыруы: жаһандық бәсекеге қабілеттілік» атты Жол­дауы мен «Қазақстан-2050» ұзақ мерзімді стратегиясы аясында жүргізіліп жатқан экономика және саяси жүйені жаңарту жөніндегі реформалар, қоғамдық сананы жаңғырту турасындағы жаңа бағдарламамен таныстырды. Өзінің сөзінде елші Қазақ­стан­ның ерте заманнан келе жат­қан сан ғасырлық бай тарихы бар мем­лекет екенін атап өтті. «Тә­у­елс­іздік алған аз уақыт ішінде Қазақ­стан үлкен жетістіктерге қол жет­кізіп, әлемдегі жылдам дамып келе жатқан экон­о­ми­ка­лар­дың біріне және ха­лық­ара­лық қоғамдастықтың сенімді се­рікте­сіне айналды», деді елші.     Е.Ыдырысов аталған іс-ша­раның Қазақстан мен Ұлы­бри­тания арасындағы дип­ло­матия­лық қатынастардың ор­натыл­ғанына 25 жыл толған жы­лы өткі­зіліп отырғанын ерекше атап өтті. «Біріккен Корольдік біз­дің эконо­микамыздың алтын­шы ең ірі инвесторы, ал Қазақстан Британия үшін сауда жә­не инвес­тицияларды кеңейтуге жә­не дамытуға қажетті басты мем­лекеттердің бірі», деді қа­зақ­стандық дипломат. Екі ел арасындағы қарым-қаты­нас­тардың жоғары деңгейде екен­дігін атап өткен Қазақстан елшісі белгілі британдық зерт­теу­ші және сәулетші Томас Аткинсонның елі­міздің мәдени мұрасына қосқан маңызды үлесіне тоқталды. Қазақ­станға ХІХ ғасырда келген бри­тандық сая­хатшы қазақ халқының өмірі туралы көптеген суреттер мен жазбалар қалдырған.    Кеште британдық жур­налист және жазушы Ник Филдинг Т.Ат­кинсон туралы жан-жақты баян­дама жасап, қонақтарға оның қазақ жеріне жасаған саяхаты жайында айтып берді. Сонымен бірге, британдық зерттеушінің ұрпақтары Стив және Джил Браун өздерінің былтырғы жазда елімізге барғаны жайындағы әсерлерімен бөлісті. Іс-шара соңында қонақтар «Қа­зақстан табиғаты» фото­көр­ме­сін тамашалауға мүмкіндік алды.