ЭКСПО-2017 халықаралық көрмесіне келушілер саны 500 мыңнан асты. «Астана ЭКСПО-2017» ҰҚ» АҚ баспасөз қызметінің мәліметінше, елордадағы шараны бастапқы 20 күнде жарты миллионнан астам адам тамашалаған. 500 мыңыншы қонақ 29 маусым күні кешкісін тіркеліпті.
ЭКСПО-2017 көрмесінің алғашқы аптасында күнделікті қонақ саны орташа есеппен 22840 адамды құрады. Ал 29 маусымда келушілердің саны 36000-нан асқан.
Бұған дейін алғашқы болжамдарға сүйеніп, халықаралық мамандандырылған ЭКСПО-2017 көрмесі көрермендерінің саны 2 000 000, ал кіріп-шығу көрсеткіші шамамен 5 000 000 болады деп хабарланған.