«Биыл облыстық кәсіпкерлер палатасы көрмені үшінші рет өткізіп отырмыз. Оның ішінде былтыр мен биыл көрме-жәрмеңке форматында өткізіп келеміз. Қатысушылар жыл сайын артып отыр. Былтыр 20 кәсіпорын қатысқан еді, биыл тағы да төрт кәсіпорын өтініш берді» дейді көрме-жәрмеңкені ұйымдастырушы облыстық кәсіпкерлер палатасының қызметкері Роберт Юсупов.
Көрме-жәрмеңкені облыс әкімі Архимед Мұхамбетов аралап көріп, кәсіпкерлер әкелген тауарларды көрді. Көрме-жәрмеңкеге қатысқан кәсіпорындар арасында жеңімпаздар үш аталым бойынша анықталды. Үздіктерге облыс әкімі Архимед Мұхамбетов дипломдар мен сыйлықтар тапсырды. «Өндірістік мақсаттағы үздік тауарлар» аталымы бойынша бірінші орынды Қостанай қаласындағы «S.M.F.-System» мата емес материал фабрикасы» ЖШС, «Халық тұтынатын үздік тауарлар» аталымы бойынша Денисов ауданынан келген «Тобольское 1» ЖШС, «Үздік азық-түлік тауарлары» аталымы бойынша Қостанай қаласындағы «Аква-Арасан» ЖШС бірінші орынды жеңіп алды. Тұрғындар көрме-жәрмеңкені аралап, керекті заттарын сатып алды. Олардың бағасы үстемесіз, өндірістік жіберіліммен сатылды.
Нәзира Жәрімбетова
«Егемен Қазақстан»
ҚОСТАНАЙ