Қазақстан Президенті Нұрсұлтан Назарбаевтың Жарлықтарымен Сенат депутаттары тағайындалды, деп хабарлайды Ақорданың баспасөз қызметі.
Мемлекет басшысының Жарлықтарымен Қазақстан Республикасы Парламенті Сенатының депутаттары болып мыналар:
Сәуле Мұханбедианқызы Айтпаева; Владимир Васильевич Волков; Бақытжан Тұрсынұлы Жұмағұлов; Талғат Амангелдіұлы Мұсабаев тағайындалды.
Мемлекет басшысының Өкімімен Талғат Амангелдіұлы Мұсабаев басқа жұмысқа ауысуына байланысты Қазақстан Республикасы Президентінің кеңесшісі қызметінен босатылды.
Сондай-ақ Мемлекет басшысының Жарлықтарымен Қазақстан Республикасы Парламенті Сенатының депутаттары Нұртай Әбіқаевтың, Икрам Адырбековтің, Мұхтар Қапашұлы Алтынбаевтың, Людмила Григорьевна Полторабатьконың өкілеттіктері тоқтатылды.