Бақытжан Сағынтаев Ұлыбританияның сауда және инвестициялар жөніндегі мемлекеттік министрі Грег Хэндспен кездесу өткізді, деп хабарлады Премьер-Министрдің баспасөз қызметі.
Кездесу барысында жер қойнауын пайдалану, инновациялар мен технологиялар, жаңартылатын энергия көздері, ауыл шаруашылығы, денсаулық сақтау мен білім беру саласындағы сауда-экономикалық ынтымақтастықты дамыту мәселелері талқыланды.
* * * Кеше сондай-ақ, Премьер-Министр Бақытжан Сағынтаев Инвестициялық саясат жөніндегі жаһандық бағыттың жетекшісі Роберто Эчандидің басшылық етуімен Дүниежүзілік банктің сарапшылар тобымен кездесу өткізді.
Кездесу барысында «Ұлттық инвестициялық стратегия» инвестициялар тарту бойынша үкіметтік бағдарламасының жобасы қаралды.