Ипотекамен үй алудың игілігі

Облыстық құрылыс бас­қар­­ма­сының басшысы Мә­лік Ама­нов­тың айтуынша, инже­нер­лік-ком­муникациялық ин­фра­құ­ры­лымға биыл 11,2 млрд теңге қа­ралған. Соның ішінде Ұлттық қор­­дан бөлінген 6 млрд теңгеге 21 жоба, рес­публикалық бюджеттің 3,3 млрд теңгесіне 7 жоба жүзеге асы­ры­лады. Ал жергілікті қазы­на­д­ан осы мақсатқа 1,9 млрд теңге бө­лі­ніп отыр.  Қарқынды құрылыстың арқа­сын­да облыс орталығының аумағы ке­ңейіп, жаңа шағын аудандар бой көтерді. «Береке», «Нұрсая» ша­ғын аудандарында алдағы жылы 43 көп пәтерлі тұрғын үйдің құры­лы­сы басталады. Жеке тұрғын үй құ­ры­лысының бірыңғай сәу­ле­т­- ­тік келбетін жасау мақсатында әкім­дік ин­же­нерлік коммуникация­сы тартылған 400 учас­ке дайындады. Қазір құрылыс және тұрғын үй-коммуналдық шаруашылық комитетінің сыз­балары бойынша 80 тұрғын үйге жобалық-сме­та­лық құжат жасақтауға тендерлік рә­сімдер жүріп жатыр.  Бұқараны баспанамен қамтуға ба­ғытталған «Нұрлы жер» бағ­дар­ла­масының арқасында ипотекалық қарызбен тұрғын үй алу қол­же­тім­ділігі артатыны да жақсы жаңалық. Бұрын ипо­текамен тұрғын үй сатып алушылар екін­ші деңгейлі банктерге 17 пайыз үстеме төлеуге тиіс болса, енді «Нұрлы жер» мем­ле­кеттік бағдарламасының аясында оның 6-7 пайызын мемлекет суб­сидиялайды.  – Соның нәтижесінде қарыз алу­шының ай сайынғы төлемі 30-40 пайызға азаяды, – дейді облыстық құрылыс басқармасының басшысы. – Бағдарламаға қатысу үшін ипотека кезегіне тұру талап етіл­мейді, тұрғын үйлерінің саны ма­­ңызды емес және қосымша ко­мис­сиялар жоқ. «Нұрлы жер» бағ­дар­ламасы бойынша еліміздің кез кел­ген азаматы ипотекалық қарыз алуға өтініш бере алады.  Бұл бастама баспана алғысы ке­летіндерге де, бағдарламаға қа­ты­сатын үй салушыларға да тиімді бол­ғалы отыр.  – Екінші деңгейлі банктер суб­­сидиялау туралы шешім қ­а­был­данған кезде Ұлттық банк­тің базалық мөлшерлемесінің 5 пайызынан аспайтын сыйақы мөл­шер­лемесі бойынша қарыз береді, – дей­ді «Даму» қорының Атырау об­лысы бойынша аймақтық бө­лім­шесінің директоры Əлия Өтепқалиева.  Жеке құрылыс компаниялары «Нұрлы жер» бағдарламасына қызығушылық танытуда, қазір банктер бірнеше жобаларды қарап жатыр. 

Бақытгүл БАБАШ, «Егемен Қазақстан» АТЫРАУ