Биыл Қарағанды облыстық тарихи-өлкетану мұражайына сексен бес жыл. Бүгінде құнды құжаттар мен бірегей экспонаттардың таптырмас ошағына айналған мұражайдың экспозициясы 1800 шаршы метрді құрайтын 14 залдан тұрады. Тарихи жәдігерлер жинақталған орынға танымымызды тереңдетіп жиі бас сұғып тұрамыз.
Жуырда тағы бір тамаша құжатты қолымызға ұстап көрдік. Отыз бір беттен тұратын құнды кітапша – 1906 жылы Қазан қаласындағы «Братья Каримовы» баспахана үйінде қатталған екен. Шежірені «Қарағанды қайырымдылық мекемесі» медресесінің төрағасы Мехмед Билгин оқып аударған. Аудармадан ұққанымыздай, онда Шыңғыс ханның бабаларының шежіресі баяндалған. Жалпы, кітап – «Шыңғыстықтардың шежіресі» деп есімделген. Таптырмас тарихи құжат бұған дейін Балқаш қаласында сақталып келген. Аталмыш мұражайға 2011 жылы Ахат Сүлейменов есімді азамат өткізіпті. Қазірде баға жетпес бай мұра музейдің «Жәдігерлер әпсанасы» деп аталатын бөлігінде тұр.
Мирас АСАН, «Егемен Қазақстан» Қарағанды облысы