"Қайрат" футбол клубының бас бапкері Кахабер Цхададзе өз қызметінен кетті. Бұл туралы sports.kz хабарлады.
Алматылық клуб бірер күн бұрын Еуропа лигасының екінші іріктеу кезеңінде сырт алаңда Албанияның "Скендербеу" командасынан 0:2 ұтылып қалған болатын. Нәтижесінде, екі матчтың қорытындысы бойынша "Скендербеу" 3:1 есебімен басым түсіп, келесі кезеңге жолдама алды.
Осы жеңілістен кейін Кахабер Цхададзе клуб басшылығынан өзін отставкаға жіберуді сұраған. Ал енді жаңа бас бапкердің аты-жөні алдағы уақытта белгілі болады.