ЭКСПО-2017 көрмесіне қатысушы елдердің ұлттық секцияларының жетекшілері Қызылорда облысы аумағында орналасқан әлемдегі алғашқы және ірі Байқоңыр ғарыш айлағына барды, деп хабарлайды ҚазАқпарат тілшісі.
Сапар аясында комиссарлар Байқоңыр ғарыш айлағының музейіне, С.П.Королев пен Ю.А.Гагариннің мемориальдық үйлеріне бас сұқты, сосын олар «Союз МС-05» ғарыш кемесінің ұшырылу сәтін тамашалады.
Қызылорда облысына сапары аясында шетелдік қонақтар «Қорқыт ата» және этно ауылға табан тіреп, қазақтың ұлттық, мәдени болмысымен танысты.