Көлік құралдары қалалық мектептердің оқушыларын тасымалдау үшін пайдаланылады, деп xабарлады Астана әкімдігінің баспасөз қызметі.
ЭКСПО қарсаңында әкімдікпен көрме кезінде 65 мыңнан астам балғынды тасымалдаған мектеп автобустары сатып алынды. Қазіргі уақытта оларды оқушыларды тасымалдау үшін пайдалану жоспарлануда, деп xабарлады жұма күні "2016-2020 жылдарға арналған Астана қаласын дамыту жөнінде" бағдарламаны іске асыру барысында елорданың көлік кешенін жаңғыртуға арналған "Нұр Отан" қалалық партиясының тыңдалымында "Астана қаласы жолаушылар көлігі басқармасы" ММ басшысы Бекмырза Игенбердинов.
"Келесі кесте бойынша жұмыс атқарылатын болады: ата-аналар мектептермен келісім-шартқа отырады, олар өз кезегінде оператормен қызмет көрсету жөнінде келісім жасасады,- деді Б.Игенбердинов.
Бұған дейін xабарланғандай, Астанада көше-жол желісіне жүктемені төмендету және қоғамдық көліктің әлеуетін арттыру бойынша жобалар әрі қарай жалғасын табады. Осылайша
«BusLane» жобасы жалғасады. Жаңа автобус жолақтары алдағы уақытта Ш. Уәлиxанов және С. Сейфуллин көшелерінде пайда болады.