Кәсіпқой бокста жеңіл салмақтағы WBA (Super) белбеуінің иегері отандасымыз Жанат Жақияновтың (27-1, 18 КО) 21 қазан күні IBF тұжырымы бойынша әлем чемпионы британиялық Райан Барнеттке (17-0, 9 КО) қарсы өтетін кездесуді отандық QazSport телеарнасы тікелей эфирде көрсетеді. Бұл туралы «Қазақстан» РТРК АҚ басқармасының басшысы Ерлан Қарин мәлімдеді.
21 қазаннан 22 қазанға ауысқан түні қазақ бокс жанкүйерлері отандасымыз Жанат Жақияновтың жекпе-жегін тікелей эфирде көре алады.
Бокс кеші 21 қазан күні 00:30-да басталса, Жақиянов-Барнетт айқасы Астана уақыты бойынша 03:45-ке жоспарланған», деді Е.Қарин. Жақиянов пен Барнетт арасындағы кездесу 21 қазан күні Солтүстік Ирландияның Белфест қаласындағы SSE Arena спорт кешенінде өтеді.
Әли БИТӨРЕ, «Егемен Қазақстан»