Monte Carlo Resort and Casino (Лас-Вегас, АҚШ) аренасында өткен бокс кешінде қазақстандық Бекман Сойлыбаев (11-0, 4 КО) кезекті жекпе-жегінде жеңіске жетті.
Ол 29 жастағы мексикалық Фернандо Варгаспен (32-12-3, 21KO) күш сынасты. Қос боксшы WBC International белбеуін сарапқа салды. 10 раундқа созылған айқаста отандасымыз төрешілердің бірауыздан қабылдаған шешімімен жеңіске жетті.
Бекман Сойлыбаев кәсіпқой бокста 12-жеңісіне қол жеткізді. Ал Варгас 13 кездесуінде қарсыласына есе жіберді.