Астанада электронды сауда-саттықта «Сапаржай-Астана» ЖШС 1 млрд теңгеге сатылды.
ҚР Қаржы министрлігі Мемлекеттік меншік және жекешелендіру комитетінің Мемлекеттік мүлік тізілімінің веб-порталында «Сапаржай-Астана» ЖШС 100% акциясын сату бойынша сауда болды.
Оның сатушысы «Astana» әлеуметтік-кәсіпкерлік корпорациясы» Ұлттық компаниясы» АҚ болды. Сауданы жүргізу формасы - бағаның өсіміне аукцион ұйымдастыру. Оған сәйкес бастапқы баға бұрыннан белгіленген кезең бойынша артып отырады да, ең жоғарғы бағаны ұсынған тұлға жеңімпаз атанады.