Мемлекет басшысының атына Семей қаласының оқытушылары мен студенттерінен хат келіп түсті

Хат иелері: «Биылғы оқу жылы­ның басында бір топ студенттер мен оқытушылар Қазақстан Респуб­ли­касының Тұңғыш Президенті – Елбасы кітапханасына бардық. Әлем­дік тұлға тарихының сырсан­дығын ашып, ғажайып әлем­ге енгендей болдық. Сол сапар­дың әсерімен Сізге осы хатты жол­дап отырмыз», – деп жазған.  

Студент жастар Қазақстан Прези­ден­тінің елорданы Астанаға көшіру жөніндегі идеясының ақталғанына ерек­ше тоқталып, сол қадам үшін кеу­делерін мақтаныш сезімі кернейтінін атап өткен.

Осы орайда олар: «Есіңізде ме?.. 1997 жылдар... күні кеше тәуел­сіз­дігіміздің тұмарына айналған Аста­на­ның көші ел көңілін алай-дүлей етіп еді... Сол мезетте ел ертеңі үшін То­лағайдай арқаңызға арт­қан ауыр жүктің салмағын біз, бәлки, сөзбен бере алмас­пыз. Бірақ, сезінеміз! Ыз­ғар­лы Са­рыарқаның үскірігінен имен­бей, сардалаға көш баста­ған Сіз де, Сіз­ге сенім артып көш жалғаған Ел де жү­ректі екен. «Ел жүрегі жер орта­сын­да болуы керек» деген ха­лық нақылын енді ғана түсін­ген­дейміз», – деп жазған.

Сондай-ақ Шәкәрім атын­дағы уни­вер­ситеттің оқытушы­лары мен студенттері қазақ тілін латын қарпіне негізделген әліп­биге көшіру туралы ше­шімге қолдау білдіретіндерін айтқан. Бұған қатысты семей­лік­тер: «Жарлығыңыз жастарға жан қуантар сый болды. Біз күні ертең латын графикасы хал­қы­мыздың өмірінің бір бөлшегіне айналатынына кәміл сенеміз. Ақылманы мейірімді болған жұр­тымыздың Атақазағы өзіңізсіз!», – деп атап өтілген.

Ыстық лебізін хатпен жол­да­ған­дар: Семей қаласының Шәкә­рім атындағы мемлекеттік уни­вер­си­те­ті­нің оқытушылары Қ.Әубәкірова жә­не А.Жүндібаева, студенттері А.Қа­дыр­­баева, Б.Серіктай, Г.Құралбе­кова, Р.Бейсембекова, А.Смағұлов, Д.Жол­ды­балинов, Е.Омарғали, Ә.Әбдешова, А.Кен­жеғажиева, И.Түспекова, К.Ақпа­рова, Е.Қалдыбаев, Н.Бейсем­баева, Т.Ақпаршаих, Д.Тұрға­лиева, А.Мақ­сұтбек, Р.Өмірбаев, А.Жеңіс­қазин, Г.Жакина, Е.Құрманғажы, Е.Жас­баев, А.Калинкин, А.Өмірбаева, М.Қа­йырбеков және М.Урдашева.