«Балдәурен» балаларды отаншылдыққа баулиды

Аталған шараның басты мақ­са­ты – «Мәңгілік Ел» жалпы­ұлт­тық идеясының мән-мағынасын тү­сіндіру, жас қазақстандықтардың бой­ында отаншылдық сезімін оя­ту және де сананы жаңа сапалы деңгейде жаңғырту. Оның жұ­­мы­сы­на Білім және ғылым ми­нистрлігі Ы.Алтынсарин атын­да­­ғы ҰБА өкіл­­дері, Астана мен Алматы қа­ла­сы және облыс­тық бі­лім бас­қар­маларының жетек­ші­лері, рес­пуб­ликалық білім беру ме­ке­мелерінің басшылары, пән мұға­лім­дері, «Рухани жаңғыру» бағ­дар­ламасының менеджерлері қатысты.

Отырысты сөз сөйлеп ашқан «Балдәурен»  республикалық оқу-сауықтыру орталығының бас ди­рек­­торы Мұхиддин Төлепбай ор­талық жұмысына кеңінен тоқ­талып кетті. Қазіргі таңда ор­та­лық жас буынды патриотизмге тәрбиелеуге ерекше екпін бе­ріп отыр. «Патриотизм мен аза­мат­тық­ты тәрбиелеу идеясы қоғамдық және  ұлттық маңызы бар міндет болып табылады. Негізгі мақсаты Отанға, туған жеріне деген сүйіс­пен­шілік сезімін тәрбиелеу болып табылатын «Туған жер» пат­ри­оттық бағдарламасы – біз үшін ерек­­ше маңызға ие», деп атап өтті Мұхиддин Бекболатұлы.

Жалпы, «Балдәурен» РОСО жы­лына 5 мыңнан аса бала қа­был­дайтын Қазақстандағы жал­ғыз оқу-сауықтыру орталығы. Мем­лекет басшысының тапсырма­сы­мен 2002 жылы құрылған Орта­лық 15 жылдан бері өскелең ұр­пақ­қа патриоттық тәрбие беру бой­ынша үлкен жұмыс атқарып ке­леді. Бұндағы ең маңызды оқи­ға 2016 жылғы ақпан айында Жас қа­зақстандық патриоттар ака­де­миясының құрылуы. Содан бер­гі уақыт аралығында еліміз өңір­леріндегі 1358 балаға осындай құр­метті атақ беріліп отыр. Бұл рет­те өткен жылы ашылған «Бал­дәу­­рен – Қапшағай» филиалында кво­­та бойынша 2 мыңнан аса бала сау­ықтырылғандығын да атай кеткен орынды.

Алқалы жиында Еуразия ұлт­­тық университеті тарих фа­ку­ль­­те­тінің деканы Тілеген Садықов «Рухани жаңғыру» – табысты ел болуымыздың ке­пілі» тақырыбында ой қозғады. «Ел­басы ұлттық сананы жаңғырту мақ­сатында бірінші рет ғылыми ай­налымға ұлттық код деген түсі­нікті енгізді. Ұлттық код де­ге­ні­міз – сіз бен біздің бүгінгі тір­­­­­ші­лі­гіміз. Қазақтың әлемдік дең­­­­гей­і­нің көтерілгені осы ұлттық код ар­қылы көрінеді», деді Тілеген Са­­­дықұлы.

Білім және ғылым министрлігі «Рухани жаңғыру» бағдарламасы аясында жүргізіп отырған «Тәрбие және білім» кіші бағдарламасының менеджері Лада Барон соңғы бес айда сананы жаңғырту бойынша елімізде қыруар жұмыстар ат­қа­рыл­ғандығына назар аударт­ты. Бі­лім мекемелерінде отан­сүй­гіш­тік пен азаматтыққа тәр­би­елеу жұ­мыс­та­­рын тілге тиек еткен Л.Ба­­рон қа­зіргі өскелең ұрпақ бой­­ына «мен елім үшін не істей ала­­мын?», деген қа­­ғиданы сіңіру қа­­жет екендігін ерекше атады.

Жалпы, семинар жұмысы пән­дік-тәжірибелік бағытта өрбіді. Тал­қылау барысында оқыту-тәр­бие жұмысының тиімділігін арт­ты­рудың тетіктерін қалай іске қосу ке­ректігі жөніндегі мәселелердің жау­абы сараланды. Ал панельдік сек­цияларда «Рухани жаңғыру» бағ­дарламасының маңызды ба­ғыт­­­та­рын іске асыру жолдары қа­ралып, үнқатысу алаңдарында жан-жақты талқылау тезіне айналды.

Асқар ТҰРАПБАЙҰЛЫ,

«Егемен Қазақстан»

Ақмола облысы