Ресей Федерациясының азаматтары Қазақстанның 17 қаласында өз еліндегі президент сайлауына қатыса алады.
ҚР-дағы РФ елшілігі баспасөз қызметінің мәліметінше, Қазақстандағы Ресей елшілігінің және бас консулдықтарының жанындағы сайлау учаскелері келесі жерлерде орналасқан:
1.Астана - Ресей ғылым және мәдениет орталығы;
2. Ақтау - Абай атындағы мәдени кешен;
3. Ақтөбе - Оқушылар сарайы;
4. Алматы - Ресейдің Бас консулдығы;
5. Атырау - Құрманғазы атындағы Мәдениет үйі;
6. Қарағанды - Кеншілер мәдениет үйі;
7. Көкшетау - «Көкшетау» мәдениет үйі;
8. Қостанай - Облыстық Достық үйі;
9. Павлодар - Естай атындағы Мәдениет сарайы;
10. Петропавл - Сәтпаев көшесі, 37 үй;
11. Приозерск - 97-ші Офицеров үйі;
12. Семей - Балалар пен жастар шығармашылық сарайы;
13. Талдықорған - І.Жансүгіров атындағы мәдениет сарайы;
14. Тараз - № 8 Төле би атындағы мектеп-гимназия;
15. Орал - Мұсит көшесі, 78 үй;
16. Өскемен - Ресейдің Бас консулдығы;
17. Шымкент - Оқушылар сарайы. Сонымен қатар, Қордайда (16 наурыз) және Қызылордада (15 наурыз) мерзімінен бұрын көшпелі дауыс беру ұйымдастырылған.
Еске сала кетейік, бүгін Ресей Федерациясында кезекті президенттік сайлау өтіп жатыр. Сайлауға қатысып жатқан сегіз кандидаттың аты-жөні дауыс беру бюллетеніне алфавиттік тәртіп бойынша енгізілген: Сергей Бабурин ("Российский общенародный союз" партиясы), Павел Грудинин (Ресей Федерациясы коммунистік партиясы), Владимир Жириновский (Ресей либерал-демократиялық партиясы), Владимир Путин (өзін өзі ұсынған), Ксения Собчак ("Гражданская инициатива" партиясы), Максим Сурайкин ("Коммунисты России" партиясы), Борис Титов ("Партия роста" саяси ұйымы) және Григорий Явлинский ("Яблоко" партиясы).