Тегін амбулаторлық дәрімен қамтамасыз ету мәселелеріне арналған баспасөз мәслихаты өтті

Шараға Денсаулық сақтау министрлігі Фармация коми­тетінің төрағасы Людмила Бю­ра­бекова, «СҚ-Фармация» ЖШС басқарма төрағасының мін­де­тін атқарушы Берік Шәріп, Ұлт­тық дәрілік заттарды сараптау ор­та­лығы бас директорының бірінші орын­басары Арнұр Нұртаев, сон­дай-ақ Дәрілік заттарды және ме­дициналық технологиялар­ды ұтымды пайдалану орталығының басшысы Әділет Табаров қатысты.

Өз сөзінде Денсаулық сақ­тау министрлігі Фармация коми­те­тінің төрағасы Л.Бюрабекова қа­зақ­стандықтарды дәрімен қам­та­ма­сыз ету үшін мемлекет тарапы­нан бөлінген қаражат туралы айтты.

«Мемлекеттен дәрімен тегін қамтамасыз етуге бөлінетін қар­жы жыл сайын артып келеді. Қазақ­стандықтарды тегін медициналық көмектің кепілдік берілген көле­мі шеңберінде дәрімен қамта­ма­сыз ету үшін 2018 жылға 200,2 млрд теңге бөлінді. Оның ішін­де амбулаторлық дәрімен қамта­ма­сыз етуге 124,7 млрд теңге бө­лін­ді», деп атап өтті Л.Бюрабе­кова.

Сондай-ақ Фармация коми­те­тінің төрағасы пациенттердің қан­дай аурулар кезінде тегін амбулаторлық дәрімен қам­та­ма­сыз етуге ие болатынын айтты. Оның айтуынша, тізімде мұн­дай аурулар 40-тан артық, ал олар­дың әрқайсысы үшін белгілі бір дәрілер бар, диспансерлік есепте тұрған науқастар тегін ала алады.

Л.Бюрабекова пациенттерді дә­рілік заттармен қамтамасыз етіл­меуінің де себептеріне тоқ­тал­ды.

«Амбулаторлық дәрі­мен қамтамасыз етуді орталық­тан­дыру, барлық медициналық ұйым­дар өзінің диспансерлік пациент­терін қатаң түрде есепке алмайтынын анық көрсетті. Осыған байланысты дұрыс емес өтінімдер қалыптасады, соның салдарынан дәрі-дәрмектерді жөнелту кестеге сай жүргізілсе де, барлық пациенттер дер кезінде дәрілермен қамтамасыз етілмейді», деді ол.

«СҚ-Фармация» ЖШС бас­қар­ма төрағасының міндетін атқа­рушы Б.Шәріп ағымдағы жағ­дай бойынша мамыр айына ме­дициналық ұйымдарға жоспарлы түрде дәрілік заттарды жөнелту толығымен аяқталғанын, ал кей­бір өңірлерде маусым айының пере­параттарға қажеттілігін жө­нелту басталғанын баяндады.

«Ел бойынша 30 мамырдағы жағдайға сәйкес барлығы 74 млрд теңгеге дәрі-дәрмектер жө­нел­тілді. Соның ішінде стационарлық медициналық көмекке арналған дәрі-дәрмектер ағымдағы жылдың бес айында – 99 пайыз (34,2 теңге сомаға), амбулаториялық дәрілік қамтамасыз ету үшін 97 пайыз (39,8 млрд теңге) жөнелтілді», деді Б.Шәріп.

Ұлттық дәрілік заттарды са­раптау орталығы бас дирек­торының бірінші орынбасары А.Нұртаев тегін амбулаторлық дә­рімен қамтамасыз ету үшін сатып алынатын барлық препараттар елімізде тіркелгенін, яғни олардың сапасы, тиімділігі және қауіпсіздігі туралы қорытындылар алынғанын хабарлады. Сондай-ақ ол препараттардың жанама әсерлері анықталған жағдайда, науқастар мен емдеуші дәрі­гер­лерге Ұлттық дәрілік заттар­ды сараптау орталығының сайтындағы тиісті нысанды толтыруды ұсын­ды.

Рауан ҚАЙДАР,

«Егемен Қазақстан»