Ақпарат және коммуниациялар министрі Дәурен Абаев «Balapan» арнасындағы «Қоңыр қаз» жобасын таныстырып, Фейсбуктегі парақшасында анимациялық видеосын жариялады.
«Жоба арқылы қазақ мультипликациясының атасы Әмен Қайдаровтың «Ақсақ құланымен» басталған анимациялық күй дәстүрін қайта жалғамақшымыз. Жоба аясында Құрманғазы, Дәулеткерей, Қазанғап, Дина, Сүгір, Ықылас сияқты дәулескер күйшілеріміздің классикалық туындылары анимацияланады. «Қоңыр қаз» топтамасы 2D жанрда, еліміздің белгілі мамандарының қатысуымен жүзеге асты. Әр бөлімге мәдениеттанушы Зира Наурызбаева арнайы сценарий әзірлеген. Жобаның қоюшы режиссері – Дильшат Рахматуллин. Басты мақсат - Ұлы дала мұрасын ұрпақ санасына сіңіру» деп жазды Дәурен Абаев.