Бүгін еліміздің басым бөлігінде құбылмалы ауа райы сақталады. Тек батыста және оңтүстік-батыста жауын-шашынсыз күн райы күтіледі. Кей жерлерде жаңбыр жауады, найзағай ойнап, жел күшейеді, дауыл мен бұршақ күтіледі, деп хабарлайды «Қазгидромет».
Ақмола облысының кей жерлерінде найзағай ойнап, дауыл тұрады. Желдің екпіні 15-20 м/с күшейіп, бұршақ жаууы мүмкін. Қызылорда, Маңғыстау, Атырау облыстарының кей жерлерінде жел 15-20 м/с күшейеді, шаңды дауыл болады.
Алматы, Батыс Қазақстан облыстарының кей жерлерінде жел 15-20 м/с артады. Ақтөбе облысының жекелеген жерлерінде найзағай болады, күндіз желдің жылдамдығы 18 м/с артады. Күндіз Жамбыл облысында найзағай ойнап, жел 15-20 м/с жетеді.
Шығыс Қазақстан облысының кей жерлерінде сондай-ақ 15-20 м/с екпінде жел соғып, түнде найзағай болады. Қостанай, Солтүстік Қазақстан, Павлодар, Қарағанды облыстарының кей аумақтарында найзағай күтіледі, жел 15-20 м/с күшейеді, бұршақ болуы мүмкін.
Маңғыстау облысында басым бөлігінде, Қызылорда, Атырау, Ақтобе, Оңтүстік Қазақстан, Жамбыл облыстарының кей жерлерінде өте жоғары өрт қаупі сақталады.