«Нұр Отан» халықтық-демократиялық партиясының облыстық филиалы «Нұр Отан» қоғамдық-саяси журналының алғашқы санының тұсауын кесті.
Партия филиалы ғимаратында «Тәуелсіздік жетістігі – тәуелсіздік тарихы» тақырыбында өткен жиында журналистер қауымы түрлі номинациялар бойынша жеңімпаз атанды. Әрі осы жақсы іске де куә болды. Партияның облыстық филиалы төрағасының бірінші орынбасары Ерғазы Қошамбеков бояу иісі бұрқыраған, әдемі безендірілген басылымның алға қойған мақсаты мен жоспары жайлы әңгімеледі.
Басылымға филиал жанынан құрылған «Медиа орталық» жауапкершілігі шектеулі серіктестігі демеушілік көрсеткен. Медиа орталығының және елімізде ашылған отандық «ZhaNaMa-Dos» компаниясы мен «Arinfendin Production» кинокомпаниясының президенті Нарымбек Аринфендин сөйлеп, журналдың ғұмыры ұзақ болуы үшін алқа мүшелері белсенді, әрі шығармашылықпен еңбек ететіндіктерін ортаға салды.
Басылымның бас редакторы Ермек Шахмет журнал тәуелсіз ел саясатының сара бағытының жетістігі екенін айтты. Журнал 5000 данамен оқырман қолына тиді.
Күмісжан БАЙЖАН,
Алматы облысы.