Жалағаш ауданында жұмыс істеп тұрған шағын және орта кәсіпкерлік субьектілердің саны 1492-ден 1775-ке артты.
2017 жылдың қорытындысымен ауданда жылдық айналымы 2 млн теңгеден асатын 85 кәсіпкерлік субъектісі ғана анықталып, 4,8 пайызды құраған болатын.
– Осыған сәйкес аудандық мемлекеттік кірістер басқармасы қызметкерлерімен бірлесіп ауданда жұмыс істеп тұрған кәсіпкерлік субъектілеріне қайта зерделеу жұмыстары жүргізілді. Нәтижесінде табысын көрсетпей отырған 126 кәсіпкерлік субъектілері анықталып, жылдық айналымы 2 млн теңгеден асатын кәсіпкерлік субъектілерінің саны 211-ге артып, үлесі 11,8 пайызға жетті, – дейді аудан әкімі Қайратбек Сәрсенбаев.
Бақтияр ТАЙЖАН,
«Егемен Қазақстан»
Қызылорда облысы