Облыс әкімі Бердібек Сапарбаев пен күні кеше Елбасы Жарлығымен еліміздің жоғары наградасы – «Парасат» орденімен марапатталған Өскемен қаласының әкімі Ислам Әбішев оралмандарға арналып бой көтерген Шығыс ауылында 14 қандасымызға жаңа пәтерлердің кілтін салтанатты жағдайда тапсырып, оларды қуаныштарымен құттықтады. «Сіздер пәтер кілттерін ел Тәуелсіздігінің 20 жылдығымен қатар алып тұрсыздар. Бұл – үлкен мәртебе. Еңбекте алда болып, ел мәртебесін абыроймен көтере беріңіздер», деді өңір басшысы.
Бұған дейін Шығыс ауылында 300-ден астам тұрғын үй пайдалануға берілген. Мұнда жаңа мектеп, аурухана, балабақша жұмыс істеп тұр. Келер жылы оралмандарға арналған жаңа ауылда тағы елуден астам тұрғын үй салынбақ.
Оңдасын ЕЛУБАЙ,
Өскемен.