4-5 тамыз аралығында Алматыда үшсайыстан тұңғыш рет ASTC Asian Cup халықаралық турнирі мен Қазақстан Республикасының чемпионаты өтеді.
Еліміздің Ұлттық Олимпиада комитеті, Мәдениет және спорт министрлігі, «Самұрық-Қазына» Ұлттық әл-ауқат қоры, республикалық және Алматы қалалық триатлон федерациясы, «Алғашқы болу батылдығы» қоры, Алматы әкімдігінің ұйымдастыруымен өтетін жарыстың басты мақсаты – ең күшті атлеттерді айқындау, үшсайыспен шұғылданатын отандық атлеттердің шеберлігін нығайту және Қазақстанда осы спорт түріне деген ынта-қызығушылықты күшейту.
Биылғы «Триатлон-спринт» сайысы 3 кезеңнен тұрады: 750 метрге жүзу+20 шақырымдық веложарыс+5 шақырымға жүгіру. Алматыда өтетін дүбірлі додада 70 спортшы бақ сынайды деп күтілуде.
Ғалым СҮЛЕЙМЕН,
«Егемен Қазақстан»
АЛМАТЫ