Өзбекстан көлік құрастыру саласы бойынша қазақстандық инвесторлармен жұмыс істеуге әзір. Бұл турасында қос тараптың кәсіпкерлері бас қосқан Ташкентте өткен бизнес-кездесуде мәлім болды.
Бұдан бұрын химиялық, металлургия, мұнай-газ салалары мен жеңіл өнеркәсіп бойынша ынтымақтастық мүмкіндіктері талқыланып келген болатын. Жиын барысында екі ел арасындағы көлік құрастыру ісіне баса назар аударылды.
- Бүгінгідей ауқымды іс-шара өткізе отырып, шетелдік инвесторлар үшін нарықтағы мүмкіндіктерді қарастырғымыз келеді, - деген Нодир Абдуллаев, Өзбекстанның инвестиция жөніндегі комитет директоры әріптестік қарым-қатынасты жандандыруға ынталы екендіктерін жеткізді.