Қазақстандық таеквондошы Нұрлан Мырзабаев Азия ойындарында қола медаль жеңіп алды, деп хабарлайды ҰОК баспасөз қызметі.
80 келі салмақта сынға түскен Нұрлан жартылай финалда кореялық спортшыдан бір ұпай айырмашылығымен ұтылды.
Тартысты кездесу барысында Мырзабаев бірнеше рет басымдық танытқанымен, соңғы секундтарда қарсылас жеңісті тартып әкетті. Есеп – 16:17.
Осылайша, таеквондошылар Қазақстанға тағы бір қола медаль сыйға тартты.