Қазақстан Президенті Нұрсұлтан Назарбаев Түркия Республикасына ресми сапармен барды. Бұл туралы Президенттің баспасөз қызметі хабарлады.
Сапар барысында Елбасы Нұрсұлтан Назарбаевтың Түркия Республикасының Президенті Р.Ердоғанмен, сондай-ақ Түркияның іскер топтар өкілдерімен кездесуі көзделген.
Сонымен қатар Мемлекет басшысының Қазақстан мен Түркия арасындағы Жоғары деңгейдегі стратегиялық ынтымақтастық кеңесінің үшінші отырысына қатысуы жоспарланып отыр.