Ирак астанасы Бағдад қаласындағы түзеу мекемесінде болған өрт салдарынан алты әйел қаза тапты, деп хабарлайды Al Sumaria телеарнасы.
Келеңсіз жағдай Азамия ауданындағы үйсіздерге арналған түзеу мекемесінде болған. Телеарнаның деректерінше, тұтқындар арасында жанжал туындап, оның аяғы өртке соқтырған.
Кейбір БАҚ-тар өрт салдарынан 9 әйел ажал құшып, 20-дан астамы жарақаттанғандығын, олардың екеуі пышақ жарақатынан, өзге жетеуі өрт салдарынан көз жұмғандығын жазуда.