Үндістанның Химачал-Прадеш штатында оқушыларда мектепке апара жатқан автобус аударылып, 7 адам қаза тапты, деп хабарлайды ҚазАқпарат NDTV арнасына сілтеме жасап.
Оқиға таңғы сағат 8.00 шамасында, штат астанасы Шимладан 150 шақырым жерде орын алған. Автобус балаларды Сангра қалашығындағы DAV мемлекеттік мектебіне апара жатып, құзға құлап кеткен. Салдарынан 7 адам - 6 оқушы, бір жүргізуші көз жұмды. 12 бала жарақат алып, ауруханаға жеткізілді. Полицейлердің айтуынша, кей балалардың жағдайы аса ауыр.
Алдын ала болжам бойынша, апатқа 40 жастағы жүргізушінің ұқыпсыздығы себеп болған.
Фото: Getty Images