Қазақстандық теннисші Зарина Дияс «Үлкен Дулыға» санатына жататын Australian Open турнирінде жеңіліс тапты деп жазады Olympic.kz.
Алғашқы айналымда ол сербиялық Александра Круничпен кездескен болатын. Алғашқы сетте Зарина 6:3 есебімен жеңіске жетсе де, ойын соңына дейін бұл басымдықты ұстап тұра алған жоқ.
Екінші партияда 5:7, үшінші кезеңде 1:6 есебімен қарсыласқа жол берді.
Енді Зарина Дияс жұптық сынға ауысады. Ол Юлия Путинцевамен бір ту астында кортқа шықпақ.