Шығыс Қазақстанда үш күннің жүзі болды қатты аяздың беті қайтар емес. Бүгін де облыстың бірқатар аудандарының мектептері мен колледждерінде сабақ тоқтады.
Аягөз ауданында (-26°С) бірінші ауысымның 1-4 сыныптары, Шемонаиха (-33°С), Алтай (-39°С) және Катонқарағай (-38°С) аудандарының бірінші және екінші ауысымның 1-11 сыныптарын, колледждердің 1-2 курстары, Көкпекті ауданында (-35°С) бірінші ауысымның 1-11 сыныптары, колледждердің 1-2 курстары, Тарбағатай ауданында (-31°С) бірінші ауысымның 1-9 сыныптары, Бесқарағай (-20°С), Үржар (-20°С), Зайсан аудандары (-29°С) мен Курчатов (-26°С) қаласының бірінші ауысымның 1-4 сыныптары сабақтан қалса, Өскеменде желдің күші секундына 20 метр жылдамдыққа жеткеннен кейін бірінші ауысымның 1-4 сыныптары сабақтан босатылды.
Азамат ҚАСЫМ,
«Egemen Qazaqstan»
Шығыс Қазақстан облысы