«Қорғас» шекаралық бақылау отрядының аумағындағы халықаралық шекара бойы ынтымақтастығы орталығында 2 центнерден астам иесіз дәрі-дәрмек табылды. Бұл туралы ҰҚК ШҚ баспасөз қызметі хабарлады.
«Шекарашылар Қазақстанға кіре беріс залдан жалпы салмағы 209 кг иесіз жүк тауып алды. Рұқсат қағаздары жоқ жүк түгелімен Қытайда шығарылған дәрі-дәрмек екен. Тауар иесі, жақындап келе жатқан шекарашыларды көрген кезде жүгін тастай салып, тайып отырса керек. Табылған дәрі-дәрмек актіленіп, «Алтынкөл» кеден бекетіне тапсырылды», делінген хабарламада.