Инспекциялық топ жауынгерлік даярлық департаментінің бастығы генерал-майор Алмаз Жұмақеевтің басшылығымен қазақстандық бітімгершілік ротасын тексеру үшін Ливан Республикасына келді. Бұл туралы Қорғаныс министрлігінің баспасөз қызметі хабарлады.
Топ қазақстандық бітімгершілік ротасының аймақтағы жағдаймен, қазақстандық бітімгерлердің моральдық-психологиялық жай-күйімен танысты. Қарудың, оқ-дәрілердің және әкетілген мүліктің жай-күйін тексерді, сондай-ақ бөлімшелерді ротациялауды ұйымдастыру жөніндегі мәселелерді нақтылады.
Айта кетейік, үш жарым ай бойы үндістандық миссия батальоны құрамындағы қазақстандық бітімгершілік полкінің жиынтық бітімгершілік ротасының 120 әскери қызметшісі Ливандағы БҰҰ-ның уақытша Күштері БҰҰ мандатына сәйкес аймақтағы бейбітшілік пен қауіпсіздікті қолдау бойынша міндеттерді орындайды.