Австрияның Зеефельд қаласындағы әлем чемпионатында әйелдер 10 шақырымға классикалық әдіспен жарысты. Қазақстандық Валерия Тюленова алғашқы отыз спортшының қатарына енді деп хабарлайды Olympic.kz.
Жарысқа жалпы есебі 74 спортшы қатысып, норвегиялық Тереза Йохауг чемпион атанды. Күміс медаль Фрида Карлсонның (Швеция), қола медаль Ингвильд Эстбергтің (Норвегия) еншісінде.
Қазақстан сапынан ең үздік нәтижені Валерия Тюленова тіркеді. Ол мәреге отызыншы болып келген. Анна Шевченко 38-ші, Ирина Быкова 41-ші, Марина Матросова 43-ші орында.