Дариға Назарбаева жасырын дауыс берудің нәтижесінде ҚР Парламенті Сенатының Төрағасы болып сайланды, деп хабарлайды ҚазАқпарат тілшісі.
Ол осыған дейін Парламент Сенатының Халықаралық қатынастар, қорғаныс және қауіпсіздік комитетінің төрайымы қызметін атқарды.
Дариға Назарбаева 1963 жылы 7 мамырда дүниеге келген. Қоғам және мемлекет қайраткері, тарих ғылымдарының кандидаты, саясаттану ғылымдарының докторы. Ломоносов атындағы Мәскеу университетінің тарих факультетінде және әл-Фараби атындағы Қазақ ұлттық университетінде оқыған.