RTS телеарнасы: «Храпуновтар отбасының есепшоттары жабылды»

RTS телеарнасы: «Храпуновтар отбасының есепшоттары жабылды»

Сәрсенбі, 5 желтоқсан 2012 7:20

Қазақстанның Қаржы полициясы Храпуновқа қатысты 20 қылмыстық істі текке қозғамағаны белгілі. Атақты қашқын елде жүріп, түрлі дәрежедегі билік тізгінін уысында ұстап отырғанда көптеген қатерлі қылмыстық әрекеттерге барған еді. Міне, енді Швейцарияның Женева қаласының прокуратурасы ірі көлемде қаражат жымқырды деген күдікпен Храпуновтың отбасын тексеруді бастады және Храпунов пен оның әулетінің барлық есепшоттары жабылды, деп хабарлады швейцариялық RTS телеарнасы. Regnum ақпарат агенттігі хабарлағандай, тексеруді бастау шешімі ағымдағы жылдың көктемінде қазақстандық биліктің Швейцарияға құқықтық көмек көрсету жөніндегі сұранысына байланысты қабылданды.

 

Сәрсенбі, 5 желтоқсан 2012 7:20

Қазақстанның Қаржы полициясы Храпуновқа қатысты 20 қылмыстық істі текке қозғамағаны белгілі. Атақты қашқын елде жүріп, түрлі дәрежедегі билік тізгінін уысында ұстап отырғанда көптеген қатерлі қылмыстық әрекеттерге барған еді. Міне, енді Швейцарияның Женева қаласының прокуратурасы ірі көлемде қаражат жымқырды деген күдікпен Храпуновтың отбасын тексеруді бастады және Храпунов пен оның әулетінің барлық есепшоттары жабылды, деп хабарлады швейцариялық RTS телеарнасы. Regnum ақпарат агенттігі хабарлағандай, тексеруді бастау шешімі ағымдағы жылдың көктемінде қазақстандық биліктің Швейцарияға құқықтық көмек көрсету жөніндегі сұранысына байланысты қабылданды.

Швейцариялық телеарнаның мәліметі бойынша, Credit Suisse и Schroder & Co Bank AG банкілеріндегі Храпунов отбасының есеп-шоттары жабылды. Оның үс­тіне аталған банктерден Ал­ма­тының бұрынғы әкіміне қа­тысты барлық құжаттар алын­ды. Енді швейцариялық прокуратура ал­дында Храпуновтың және оның туысқандарының 323 миллион долларды қайдан алғандығын анық­тау мәселесі тұр.

Ал бүгінде Храпуновқа қа­тыс­ты 20 қылмыстық іс, соның ішінде Швейцарияға және оф­фшор­лық аймақтарға аударыл­ған 48 миллион доллар және 7,7 миллион еуроға қатысты істер бар.

Жалпы, Храпуновтың отбасы туралы сөз қозғалғанда адам тү­сінбейтін жағдайлар көзге түседі. Кез келген алаяқ ұры өзі бастаған қылмыстық жағдайды өзінің от­ба­сынан ауытқытып әкетуді көз­дейді. Ал тергеу көрсеткендей, ұрланған қаражаттың көлемі бо­йынша Храпунов өте күрделі ұры болып табылады. Ол анау-мынау емес, елден 400 миллионнан аса доллар шығарып әкетті. Сонда қалайша мұның қылмыстық сыз­ба­сына оның отбасы тартылған? Қалайша ол адалдығы, жауапкершілігі, тәртіптілігі секілді құн­дылықтарымен отбасын қорғай алмай қалған?

Мүмкін мұндай құндылықтар онда о баста болмаған да шығар? Ол бұл қылмыстық әрекеттерін билік тұтқасын ұстап отырған кез­де жүзеге асырғаны белгілі. Және ол кезең Храпуновтың Ал­ма­тыдағы алаяқтық және жем­қор­лық қылмыстарын өршіткен сәті болып саналады. Ал үсті­міз­дегі жылдың қазан айында Вик­тор Храпуновтың зайыбы Ләйлә Храпуноваға да байланысты ірі көлемде қаржы жымқыру, алаяқ­тық деректері бойынша іздеу жарияланған болатын.

Храпунов бұдан кейін өзінің күмәнді миллиондаған долларын қалай жинағанын жасыру үшін Қазақстанға қарсы нағыз ақпа­рат­тық шабуылды бастады. Ешбір дәлелдерге негізделмеген, тек өзінің ойдан құрастырылған мә­лі­меттерінен тұратын сұхбат­тар­ды оңды-солды таратты. Дегенмен оның өтірік байбалам са­луына қарамастан қазақстандық құқық қорғау органдары Алма­ты­ның бұрынғы әкімі үстінен қылмыстық іс қозғап, тексеру жұ­мыстарын жалғастыра берді. Тексеру заңды. Өйткені, бұл іс­тер­дің барлығы аталған қашқын­ның өз елінде мемлекеттік қыз­мет­те жүріп жасаған жемқорлық және экономикалық қылмыста­ры­на қатысты екені рас. Енді, міне, оны Женева прокуратурасы да анықтамақшы.

Жалпы, Храпунов кенеттен швейцариялық миллионер ретінде қалай пайда болды деген сауалға нақты жауап қайтару үшін қазақстандық құқық қорғау органдары қашқынның күмәнді іс-әрекетінің бәрін тексерген еді. Сол тексеруде көп мән-жайға қа­нықты. Соның ішінде Алма­ты­ның бұрынғы әкіміне байла­ныс­ты қылмыстық баптардың тізімі өте көп. Мұнда «қызмет бабын жеке бас мақсатына пайдалану», «ірі көлемде пара алу», «заң­сыз жолмен табылған қар­жы-қара­жаттары мен басқа да мүліктерді жа­риялау», «өзіне сеніп тап­сы­рылған аса ірі кө­лем­дегі бөтеннің мүлкіне зиян келтіру немесе жеке мақса­тына пайдалану», «алаяқ­тық» және тіпті «ұйымдасқан қыл­мыстық топ­тың қызметін қар­жылан­дыру» секілді баптар да бар.

Ал Храпуновтың ісі Алматы­дағы табиғат қорғауға жататын жер телімдерін заңсыз тарату оқиғаларынан туындаған у-шуға қатысты басталғандығы белгілі. Содан ол соңғы қызметінен бо­сасымен-ақ бірден Швейцарияға кетті. Бірақ ондағы адамдар Хра­пуновтың Қазақстаннан соншама көп көлемдегі қаржыны алып келіп, бірден швейцариялық бай­лар­дың қатарына қосыла қал­ға­нына сенімсіздікпен қарады. Сол сенімсіздік оның тексерілуіне алып келді.

Қашқынның зайыбы Ләйлә Храпунованың да бұл жағдайда қылмыстық әрекеті өте зор. Храпунов сияқты оның да Алматыда отбасылық қылмыспен қалай ай­налысқанын көзге елестету қиын емес. Оның ішінде тергеу көрсет­кендей, оларда қылмыстық жолмен алынған құны 401,5 мың тұ­ра­тын саяжай, 295 млн. тұратын тұрғын үй, оған қоса құны 122 миллион тұратын 3 пәтер бар. Со­нымен қатар, бұларға қос-қос тұрғын үймен және басқа да жылжымайтын 11 миллион тұра­тын жер телімдерін, 5,5 миллионнан асатын жерасты гараждарын, жер телімдері мен 380 миллион тұратын баспаналар мен құны 24 миллион тұратын паркингтерді қоссаңыз Храпуновтардың аш­қа­рақтығы мен қомағайлығы қан­дай екенін байқай аласыз.

Әрине, жоғарыда айтылған­дай, олардың меншігінде осын­ша­ма үйлер болса да кәсіпкер әйел­дің қол қусырып үйде отыр­майтындығы белгілі. Оңай дү­ниені олжалауға ол да қызығып, кенеттен «қара бизнеске» бас қойды. Бұл кезде Ләйлә Храпунова атында телеарна және Ал­ма­тының екі ауданында көлемі атшаптырым жерге жайылған зергерлік бұйымдарды сататын «VILED International» фирмасы болды. Бұл аз ба? Әрине, аз емес. Дегенмен, Ләйлә Храпунованың жоғарыда айтылғандардың бәрін қалайша тез арада сатып алғаны сұрақ болып туындайтыны, кімді болса да ойландыратыны шын­дық.

Храпуновтар отбасының ба­й­лықтарын тізу мұнымен шектелмейді. Бұларға тағы қосымша Хра­пуновтардың автопаркін: BMW 850, құны 1,5 миллион тұратын Mersedes Benz, Mersedes Benz S 500 I, Maybach 62, Land Rover және Range Rover көліктерін қо­сыңыз. Қалай пайдаланамын десе де кез келген дәрежедегі бағалы да құнды көлік жетіп артылады. Бұл көліктерді аталған отбасы мүшелері тегіс пайдаланды. Хра­пу­новтардың барлығы да «Phoe­nix. VL» ЖШС құрылтайшысы болып табылады. Осы ЖШС-лар арқылы олар Алматыдағы жаңа әуежайдың құрылысын қамта­ма­сыз етуде бюджеттің шексіз қаражатын өткізді. Демек, Ләйлә Храпунова, тергеу көрсеткендей, өзінің күйеуімен бірге тұтас ұйымдасқан қылмыстық топты басқарғаны белгілі болды. Әйт­песе, осыншама қысқа уақыттың ішінде олар қалайша 100 мил­лиондаған долларды үптеп және 20 тоннаға жуық бағалы мүлік­терді ұшаққа тиеп, шетел асып кете алады. Сондықтан да Хра­пуновқа байланысты іздеу жа­рияланғаны таңсық емес. Ал іздеу соңы енді Храпуновтың басар жері, шығар тауы қалмаған­дығын білдіріп, ол секілді қалған іштегі, сырттағы сыбайлас жем­қорлардың да тығырыққа тірелгенін сездіреді. Ендеше, «көп асқанға бір тосқан» деген осы.