«Жастар жылының салтанатты ашылуын, еліміздің астанасы – Нұр-Сұлтан болып өзгеруін, елдегі болып жатқан барлық өзгерістер мен жобаларды қолдау мақсатында марафон ұйымдастырып отырмыз. Бүгінгі марафонға 800 білімгер және 200 тәлімгер қатысуда, – деді университет ректоры Ержан Әмірбекұлы.
Марафон соңында ҚР Тұңғыш Президенті саябағында «Жастар жылына» арналған «Бастау» жинағының тұсаукесері өтті. Аталған жинаққа Тараз мемлекеттік педогогикалық университетінің белсенді жастары туралы мәлімет енгізілген. Сонымен қатар, жастардың Жамбыл өңіріндегі тарихи орындарға танымдық, студенттік туризм жобасының ашылу салтанаты ұйымдастырылды. Ұйымдастырушылар бұл жобаны жасай отырып, Әулиеата өңірінің киелі, қасиетті жерлерін жастарға аралату арқылы жастардың бойына патриоттық сезімді оятуды мақсат етіп отырғанын айтты. Марафоннан соң университеттің белсенді жастары Тараз қаласындағы тарихи орындарға саяхат жасап, ары қарай ортағасырлық Ақыртас кешеніне жол тартты.
Жамбыл облысы