Әйелдер қауымы кәсіпкерлікке серпін береді

Қазақстандағы «БҰҰ-әйел­дер» құрылымының өкілі Илейн Конкиевичтің айтуынша, ел­дің эконо­микасы жаңа қарқын­мен дамы­ған сайын әйел­дер қауы­мының да үлесі арта түсуі тиіс. Қазіргі жағдайда эконо­ми­ка­ға белгілі бір деңгейде үлес қосып отырған шағын және орта кәсіпкерлік саласында нәзік­жан­дылардың белсенділігі артқа­ны­мен, ауқымды бастама­лар­да, ірі жобаларда әйелдер қауымы­ның қатары қалың деп айтуға келмейді. БҰҰ-ның өкілі әйел­дер мен ерлер арасындағы жала­қы айырмашылығы да тым алшақ деген пікір білдірді. Осындай олқылықтармен күресу мақса­тын­да ең алдымен кейбір маман­дық­тарға шектеу қою мәсе­ле­сін шешу қажеттігі туындап отыр. Мысалы, республика бойынша құры­лыс саласының 79,8 пайызы ер-азаматтарға тиесілі болса, қалған 20 пайызы ғана әйелдердің үлесінде. Сонымен қатар тау-кен өндірісі, мұнай өңдеу саласы және де көлік-логистикалық салалардың басым бөлігінде жұмыспен қамтылып отырған ер-азаматтар екені анықталған. Белгілі болғандай, нәзікжандылар мен ер-азаматтардың білім алу деңгейі бір болғанымен, мамандығы бойынша жұмысқа орналасып, қызметтік жолын қалыптастырған әйелдер аз.  − Бүгінгі шара еліміздегі әйел­дер­дің экономикалық мүмкін­дік­терін бағалауға және оны арт­тыруға бағытталып отыр. Алды­мен, әйелдер жұмыс орындары бойынша конкурстарға қатыса алатындай әлеуметтік жүйені қол­дау керек», дейді ол. Илейн Кон­ке­вичтің айтуынша, ерлер мен әйелдердің айлықтарының арасын­да­ғы айырма 33 пайызды құрайды. − Қазіргі таңда әйелдер ер адам­дар­дың айлығының 67 пайызын ғана алып отыр. Әлбетте, ірі компанияларды басқарып отырған әйелдердің барын айта кету керек. Десе де, олардың саны аз. Біз өз бағдарламаларымыз арқы­лы ауылдағы әйелдерге қолдау көрсетіп, олардың бел­сен­ді­лі­гін арттырмақпыз. Бұл үшін біз нәзікжандылардың қаржы жағы­нан өзгелерден тәуелсіз болуына, бизнес қызметтер мен қаржы құралдарының қолжетімді болуына көңіл бөлеміз. Сондай-ақ әйелдердің құқықтық сауат­ты­лы­ғын арттыруға жағдай жасаудамыз, – деді Илейн Конкиевич.  Жиында сөз алған Әйелдер істері жөніндегі Ұлттық комиссия төрағасының орынбасары Елена Тарасенко ХІХ ғасырдың әйелдері қызмет пен отбасын қатар алып жүруге бейімделген, қаржылық жағынан тәуелсіз, өз бастамаларын жүзеге асыра алатын қабілетке ие екенін айтады. − Қазақстанның ІЖӨ-дегі әйел­дердің үлесі – 38,2 пайызды құрай­ды. Бүгінгі жаңа технологиялар кеңінен қолданысқа енген заманда әйелдер қауымы да осы үдеріске машықтанып келеді, – деді ол.  Аталған шара аясында Бейжің декларациясы мен іс-әрекеттер тұжырымдамасын жүзеге асыру бойынша Ұлттық комиссия мен мүдделі мемлекеттік органдардың бірле­сіп дайындаған жобасы талқы­ланды.