Сейсенбі, 10 сәуір 2012 7:07
4-5 сәуір күндері Швейцарияның Велей қаласында өткен Халықаралық күрес түрлері қауымдастығының отырысында қазақ күресі 2013 жылы Дүниежүзілік студенттер ойындарының бағдарламасына кіретін болып шешілді.
Бұл жаңалықты кеше ФИЛА-ның осы отырысына арнайы қатысу үшін барған Дүниежүзілік қазақ күресі федерациясының президенті Серік Төкеев айтты. «Біздің төл күресіміз Дүниежүзілік студенттер ойындарының бағдарламасына тұңғыш рет енді. Бұл – бұрын-соңды болмаған жаңалық. Осыдан кейін біз күресімізді Азия ойындарына, одан кейін Олимпиада бағдарламасына енгізуге күш салатын боламыз. Ал 2013 жылғы ойындар Татарстанның Қазан қаласында өтеді.
Сейсенбі, 10 сәуір 2012 7:07
4-5 сәуір күндері Швейцарияның Велей қаласында өткен Халықаралық күрес түрлері қауымдастығының отырысында қазақ күресі 2013 жылы Дүниежүзілік студенттер ойындарының бағдарламасына кіретін болып шешілді.
Бұл жаңалықты кеше ФИЛА-ның осы отырысына арнайы қатысу үшін барған Дүниежүзілік қазақ күресі федерациясының президенті Серік Төкеев айтты. «Біздің төл күресіміз Дүниежүзілік студенттер ойындарының бағдарламасына тұңғыш рет енді. Бұл – бұрын-соңды болмаған жаңалық. Осыдан кейін біз күресімізді Азия ойындарына, одан кейін Олимпиада бағдарламасына енгізуге күш салатын боламыз. Ал 2013 жылғы ойындар Татарстанның Қазан қаласында өтеді. Осы ойындарда 70, 80, 90 және 90 килодан жоғары салмақтарда белдесулер өткіземіз. Бұл додаға жолдама төрт құрлықтан берілетін болады. Яғни, қазақ күресінен Азия, Еуропа, Африка мен Америка чемпионаттарында 1-4 орын алған балуандар мен төл күресімізден өтетін әлем чемпионатында 1-8 орынды иеленген спортшылар ойындарға жолдама алады. Сонымен бірге, бес мемлекетке бонус ретінде жолдама беріледі. Бонус дегеніміз – тегін жолдама», – дейді С.Төкеев.
С.Төкеев қазақ күресінен белдесулердің келесі жылы Ресейдің Санкт-Петербург қаласында өтетін Спорт аккорд жарыстарының бағдарламасында да болатынын айтты. Бұл төрт жылда бір келетін спорт додасы қазіргі кезде әлемде көптеген елдердің қызығушылығын туғызып отырған жарыс болып саналады.
Естеріңізге сала кетсек, биыл бұдан басқа қазақ күресінен екі үлкен жарыстың өтетіні белгілі. Біріншісі – жақын арада Бразилияның Сан-Паоло қаласында төл күресімізден жасөспірімдер арасында әлем чемпионаты өтсе, екіншісі – шілде айында Литваның Шяуляй қаласында тафи ойындарында қазақ күресінен жарыстар өтеді.
Тағы бір жаңалық, Бразилияда өтетін әлем чемпионаты кезінде Америкада төл күресімізден 10 федерация ашу жоспарлануда.
Дастан КЕНЖАЛИН.