Маңғыстаудан Лондонға аттанған ұлан

Сәрсенбі, 18 шілде 2012 7:34

Маңғыстаудың қазақ спортындағы салмағы әзір бокстың таразысына түсіп тұр. Бұған дейін аты Ердос Жаңабергеновпен шыққан өлке Лондон Олимпиадасындағы үмітін Әділбек Ниязымбетовке артып отыр. Әлем халқы сілтідей тынып назар аударатын үлкен рингке Қазақстанның көк байрағын желбірете бет алатын тоғыз сайыпқыран боксшымыздың бірі ол.

Сәрсенбі, 18 шілде 2012 7:34

Маңғыстаудың қазақ спортындағы салмағы әзір бокстың таразысына түсіп тұр. Бұған дейін аты Ердос Жаңабергеновпен шыққан өлке Лондон Олимпиадасындағы үмітін Әділбек Ниязымбетовке артып отыр. Әлем халқы сілтідей тынып назар аударатын үлкен рингке Қазақстанның көк байрағын желбірете бет алатын тоғыз сайыпқыран боксшымыздың бірі ол.

Ә.Ниязымбетов 23 жаста. 10 жа­­сын­да атасының жетектеуімен ал­ғаш ауылдағы қазақ күресі үйірме­сінің табалдырығын аттаған ол артынша бокс секциясына ауыс­ты. Қаршадай ұлдың бұлай етуіне еш­кім кеңес те берген жоқ, ешкім қол­қалаған да жоқ. Өз түйсігі, өз таң­дауы. Анығында, өз қабілетіңе қа­рай әрекеттенудің нәтижелі бо­латындығының нақты көрінісі.Он үш жыл үзіліссіз жат­ты­ғу­мен өтті, спорт залдың та­балды­ры­ғын күн құрғатпай аттауды дағдыға айналдырды. Расында, ата-анасы ұл­да­рынан үлкен спортшы шығады деп ойламапты, тек ер баланың спорттан хабардар және қайратты болғаны жөн деген қы­зы­ғу­шы­лық­пен қараған. Ұлдары 6-сыныпта оқып жүргенде Өзбек­станның Жы­зақ  қаласында А.Вадауовты ес­ке алу турнирінен ауылдан аттан­ған 7 жасөспірімнің арасынан жал­ғыз өзі жеңімпаз болып оралғанда да кез­дей­соқтық ретінде қабыл­даған. Бі­рақ, тастүлек қыран­ның томағасы сыпырылар жұл­дызды сәт алда екен, яғни Жаңаөзенге жұ­мысқа орна­ласқан әкесі Сәбит ұлы жайлы қазақ же­ріндегі жаттықты­ру­шы­лар­ға айтады. Көп ұзамай кіш­кен­тай Әділ­бекті Жаңаөзенге алдырып, Ақ­тауда өткен сайысқа қа­тыстырып байқайды. Рингте жұды­рықтай тү­йіліп, асықтай үйіріліп балаң қа­даммен ойнақ салған ұлан­ның бойынан өзіндік машық-мә­нерді аң­ғарған кәнігі жаттықты­рушылар – Марат Жәкиев пен Жеңіс Жарыл­ғапов Сәбит ағаға Әділбекті Ақ­тауда қалдырса, өздері баулып-баптайтынын айтып ұсы­ныс білдіреді.Ердің бағы ел мен жердің кие­сін аңсаған болуы керек, Әділ­бек­тің де жұлдызы қазақ жеріне, киелі Маң­ғыстауға келіп, өз аға­лары алдында жаттыққан соң жарқырай түсті. Ауыл  арасын­дағы сайыстарда талай рет топ жарған Әділбек 2007 жылы Азия чемпионы атанып, өзін мойындата түсті. 2008, 2009 жылдары қатары­нан Қазақ­стан чемионы болса, 2010 жылы Моң­ғолияда өткен студенттер чем­пионатынан қола жүл­демен оралды.Ол үшін табысты жыл 2011 жыл болды. Бұл жылы Бакуде өт­кен Әлем чемпионатында 2-орынды ие­леніп, Лондон Олимпиадасына жолдаманы қанжығасына байлап қайт­ты. Осылайша әр жылын спортпен өзектестіре өрген Ниязымбетов мил­лиондаған отандастары арасынан ел үмітін арқалап шыққан аға­ларымен бірге Лон­донға аттанады.Жерлестері «Жеңіспен жолы­ға­йық!» деп ақ тілекпен, «Маңғыс­тау­дың ойындағы 362 әулие жар болсын!» деген  ақ батамен алыс жол­ға аттандырып салған Әділбек қазір Астанада дайындығын дамыту үс­тінде.  81 кг. салмақ дәре­же­сінде сын­ға түсетін ол қарсылас­тарының осал болмайтынын біледі, өйткені Олимпиадаға тек әрбір елдің сақа­дай сайланған саңлақ спорт­шылары келетінін жақсы тү­сінеді. Алғашқы рингтен бастап, финалдық ойындар сынды үлкен тайталаспен өтетін сында өз сені­мін серік ететінін, тәуелсіз Қазақ­станның мерейі үшін бар жігерін жұмсайтындығын телефон арқылы жеткізді.«Ол отбасымыздағы екі ұлдың кенжесі, екі қарындасы бар. Кіші қызым Құмар кекушинкай-каратэден спорт шеберлігіне кандидат. Спорт жолы оңай емес қой, күнде ерте тұрып жүгіріп, бір тыным таппайтын баламды кейде аяймын. Бірақ, осы қиындықтардың бар­лығы оған Олимпиадаға жол ашты. Қазір жатсам-тұрсам тілегін тілеп жүрмін, ол өзіне сенім арт­қан күллі қазақтың жүзін жерге қа­рат­паса екен деймін», дейді әкесі Сәбит.Кеше ғана Ақтау қаласындағы Кас­пий мемлекеттік технологиялар және инжиниринг университеті спорт факультетінің дипломын иеленген Ә.Ниязымбетов Лондон Олим­­­­пиа­да­сына жоғары білімді спортшы ретінде қатыспақ. «Бағың мен бабың қатар атойласын!» Барша қазақтың тілегі осы екендігі анық.Марат ЖӘКИЕВ, жаттықты­рушысы:– Спортшыға керегі – еңбек­қор­­лық, табандылық, жауап­кер­шілік. Әділбекте осы қасиеттер бар. Мақ­сатына жету жолында өзін аямай қамшылайтыны ұнайды. Бабына келу сәтін рингке шығар сәт­ке то­қайластырып отырмыз, әйт­песе бабына бүгін келсе, ертең нақ­ты қажет сәтте қожырап кетуі мүм­кін. Былайғы халық түсіне бермеуі де мүмкін, спорттың өз қағидалары мен талаптары, тер­мин­дері, керек десеңіз ырым-тыйымы да болады. Сондықтан, Әділбектің жарау қа­лыпқа түскен қалпын кейінге ығыс­­­тырып отырмыз. Олимпиа­даға сай­дың тасындай іріктелген жігіттер келеді, барлығы да басты қарсылас. Әділбек бұрын кубалық Хулио Лакрузбен екі рет кездесіп, алғашында одан ұтылып, екін­шісінде есепті түзеткен болатын. Ресейдің берені Егор Мехонцевтен екі рет ұтылып қалған еді. Мүмкін, Олимпиада осы олқылықтың орнын толтыруға берілген мүмкіндік  болар?Қысқасы, қазақтың қара бала­сының қайратын енді Лондон төрінен көретін боламыз.Сергей ПАХОМОВ, Маң­ғыс­тау облыстық туризм, дене тәр­биесі және спорт басқармасының бастығы:– Елбасы спорт саласын кө­теруге, тұрғындарды спортқа тар­туға баса назар аударып, нақты тапсырмалар беріп отыр. Жыл са­йынғы жолдауларында және кешегі «Жал­пыға Ортақ Еңбек Қоғамына» орай берген 20 тапсырмасында спортты дамыту туралы айтылды.  Сон­дық­тан, Маңғыс­тау­да спорт  саласын да­мыту үшін қыруар жоспарлар бар. Спорт залдар саны­ның же­тіспеушілігін азайту, Спорт сарайы мен Спорт қа­лашығын салу және Олимпиада спортшыларын дайдындау – жұ­мысымыздың басты мақ­саты. Біз­дің облыстан XXX Жазғы Олимпия ойындарына бокстан Әділбек Ниязымбетов пен жеңіл атлетикадан Денис Семенов лицензия алды. Ал Ниязымбетов – талай сыннан өткен жүйрік қой, басты се­німіміз де оның жауап­кершілігінде. Жақ­сылықпен жолын тосамыз.

Гүлайым ШЫНТЕМІРҚЫЗЫ,«Егемен Қазақстан».

Маңғыстау облысы.