65 келіге дейінгі салмақта белдескен Мейіржан Әшіров кілем қожайынына есе жіберсе, 70 келідегі Бекжан Нұрланов ресейлік Ш. Валиевтен 1:8 есебімен ұтылды.
92 келідегі Әбдіманап Байгенжеев ресейлік қарсыласынан таза жеңілді. Аса ауыр салмақтағы Юсуп Батырмырзаев неміс балуанына 4:6 есебімен жол берді.
61 келідегі Расул Қалиев турнирді сәтті бастаған болатын. Алғашқы белдесуінде жерлесіміз қытайлық Жанг Гангты 10:0 есебімен тізе бүктірді.
Екінші кездесуде тап осындай есеппен ресейлік Астемир Куановты жеңген Расул үшін үшінші белдесу аса тартысты өтті. Ол тағы бір ресейлік спортшы М. Идрисовпен кездесіп, 6:7 есебімен ұтылып қалды.
Енді қазақстандық спортшы жұбаныш белдесуіне қатысу мүмкіндігін алды. Белдесу бүгін өтетінін хабарлаймыз.