Жас дарындарды қолдауға байқаудың 2017 жылғы финалисі Дарина Мағауина арнайы келіп, сахнаға шығып, ән шырқап, өзінің тәжірибесімен бөлісті. Өнерлі балғындардың қарым-қабілетін Q-pop индустриясының жарық жұлдызы Ziruza мен танымал музыкалық продюсер Фарида Ниязова бағалады. Сонымен, байқаудың ақтық кезеңіне Өскеменнің 10 жастағы тұрғыны Рамила Нұралдинова жолдама алды. Бұл балдырған 4 жасынан бастап ән салып, 6 жасынан бері музыкалық мектептегі сольфеджио мен xореография сабақтарына қатысып келеді екен. Әртүрлі байқауларда бірнеше мәрте гран-при иегері атаныпты. Енді ол байқаудың финалында Шығыс Қазақстан облысының атынан өнер көрсетеді. Рамила Нұралдинова күзде Қазақстанның басқа аймақтарының 16 финалисімен «Жұлдызды Арман үйінде» кездеседі. Байқаудың суперфиналына дайындалу мақсатында балалар вокал, хореография және әртістік қабілеттерін арттыратын сабақтарға қатыспақ.
ӨСКЕМЕН